Newroza Kobanê ya gihişt azadiya xwe dest pê kir. Qada pîrozbahiyê ku berê wek girê Miştenurê hat diyar kirin, ji ber ewlehiyê birin girê li herêma daristanê rojavayê bajar. 2 hezar peywirdarên asayîşê tedbîrên ewlehiyê li dora sahaya pîrozbahiyê giritn û şervanên YPG û YPJ’ê jî li nokteyên serdest nobetê digirin.  Kobaniyî di nokteyên kontrolê yên hêzên Asayîşê avakirine de derbas dibin û tevli coşa Newroza li Qadê dibin û di bin barîna baranê de hatin didomin. Pankartên ‘Newroza 2015’an pîroz be’, ‘Êdî bese ji Rêber Apo re azadî’ û posterên Rêberê Gelê Kurd Abdullah Ocalan, Mazlum Dogan, Arîn Mîrxan û şervanên YPG, YPJ û MLKP’ê yên jiyana xwe ji dest dan hatin daliqandin û her wiha alên YPG, YPJ, PYD, TEVDEM’ê hatin daliqandin.

Hêzên asayîşê qad xistin bin dorpêça xwe û şervanên YPG û YPJ’ê jî li nokteyên girîng yên nobet digirtin Newrozê pîroz dikin.  Hatina Kobaniyan a qadê didome. Serokê Kantona Kobanê Enver Muslim, hevseroka meclisa gel Ayşe Efendî, rayedarên Katnonê, rayedarên PYD û TEVDEM’ê hatin qadê û bi Kobaniyan re govendê digerînin.