Li gorî agahiyên ku nûçegihanên ANHA’yê ji herêmên şer ragihandine, şervanên YPG’ê şevê din di çarçoveya Pêngava Azadkirina Kantona Kobanê de, şevê din li 4 eniyên kantonê operasyonên bi bandor li dar xistin.

Li eniya rojava gundên di encama operasyonê de gundê Ehmed Hiso û 3 gundên bi navê Ebiko ji terorîstan hatin rizgarkirin. Di encama operasyona ku heta serê sibehê dom kir de 2 çete hatin kuştin û 23 mayinên ku terorîstan danîbûn hatin bêbandorkirin.  Cenazeyên 2 terorîstên hatine kuştin, ketin destê şervanên YPG’ê.

Li başûrê Kobanê li hemberî gundên Şêxalî û Saqa yên ji aliyê terorîstan ve hatibûn dagirkirin, operasyon hate lidarxistin. Di encama operasyonê de herdu gund hatin rizgarkirin. Li ser riya gundên Cediyê û Toreman jî di encama çalakiyeka şervanên YPG’ê de tirimpêlek hate rûxandin.

Li eniya başûrê rojavayê Kantonê jî, şevarên YPG’ê li gundê Derbenoka Mezin çalakiyek bibandor lidar xistin û gund ji terorîstan rizgar kirin. Derberê encamên çalakiyê de agahiyên berfirehtir nehatin bidestxistin.

Li eniya rojhilatê Kobanê jî hêzên YPG’ê li gundên Bexdik, Xan Mamed, Tolkê û Gultep operasyon pêk anîn. Di encama operasyonan de her 4 gund hatin hatin rizgarkirin û 2 terorîst hatin kuştin. Her wiha 20 mayinên terorîstan danîbûn hatine bêbandorkirin û cenazeyê 2 çeteyên hatibûn kuştin ketin destê şervanên YPG’ê.