Li Dêrsimê di pêşengiya Meclîsa Gel de li hember waneyên mecbûrî yên olî meşek hat lidarxistin. Girse bi pankarta, "Em ê nebin Elewiyên dewletê” li Kolana Sanat kom bû, ber bi Qada Seyîd Riza ve meşiya.

'FERZKIRINA YEK OL, YEK MEZHEB ZÊDE DIBE'

Seroka Navçeya Navend a Rêxistina HDP’ê Perîhan Hoşoglu a daxuyanî xwend got, “Qirkirina 37-38 a Dêrsim, komkujiyên Mereş, Sêwas û Gazî îro bi polîtîkayên hikûmeta AKP’ê didomin. AKP’ya ku perwerdeyê û jiyana civakî li gor rezikên olî şêwe dike; ferzkirina yek ol, yek mezheb zêde dibin.”

BOYKOTA DIBISTANAN

Hoşoglu anî ziman ku heta polîtîkayên AKP’ê yên li ser esasê Elewiyan tine dihesibîne û senteza Tirk-Îslam bidomin wê bertekên xwe yên demokratîk nîşan bidin.”

Di daxuyaniyê de hat gotin, "Li hember polîtîkayên înkarker ên hikûmeta AKP’ê em dibistanan du rojan boykot dikin.”