Cenazeyên şervanên YPG’ê Şahîn Bozan (Amek Kobanê), Mihemed Kilîşo (Dilşêr Serêkaniyê) û Idrîs Ehmê (Goran Serêknaiyê) ên di berxwedana Serêkaniyê de jiyana xwe ji dest dan, ji aliyê sedan welatiyên Serêkaniyê û gundê wê ji nexweşxaneya Roj a Serêkaniyê hate wergirtin.

Girseya ku posterên Rêberê Gelê Kurd Abdulah Ocalan û cangoriyan vekiribûn û bê navber diurşme davêtin cenaze bi kerwanekî tirmpêlan ber bi goristanê ve derxistin rê. Li riya ketina gund welatiyên ji dirbêsiyê jî hatibûn merasîman kom bûn. li vir û dema kerwan gihişt, girseya gel cenazeyên şervanan ji tirmplan daxistin, li ser milan kirin û heta goristanê meşiyan. Di goristanê de merasîm hate lidarxistin. Merasîm bi rêzgirtinê dest pê kir û paşê Endamê Rêvebe ê Komîteya Têkiliyên Rêxistinî ya YPG’ê Husên Koçer axivî û bal kişand ser berxwedana şervanên YPG û YPJ’ê û got ku hemû civak bi saya berxwedana bê hempa ya şervanan e. Koçer, di berdewama axaftina xwe de peyamek ji pêkhateyên ereb re şand û got ku gelê herêmê bi hezarên salan bi biratî jiyan dikin.

Di merasîmê de endamên rêveber di Desteya Tenduristiyê ya Kantona Cizîrê de Eymen Derwîş axivî û got ku ne ji berxwedana hêzên YPG’ê ba dê herêma  pêş ne ketiba û berxwedana YPG’ê silav kir.

Di merasîmê de her wiha Endamê Saziya Malbatên Şehîdan a Serêkaniyê Eyda Casim axivî û bal kişand ser jiyana hevbeş a di navbera hemû pêkhateyan de û got ku bi berxwedana YPG’ê jiyana hevbeş û biratiya gelan hatiye parastin.

Piştî axaftinan girseya gel cenazeyên şervanan bi tilîlî û diurşmeyan cenazeyên şervanan spartin axê.