Di şahiya ku li qada gundê Aşmê ya rojavayê Kantona Kobanê hate li dar xistin de Fermandarê YPG’ê Mehmûd Berxwedan, Endamê Desteya Rêveber a Tevgera Civaka Demokratîk (TEV- DEM) Ebdil Selam Ehmed, Hevserokê Meclîsa TEV-DEM’ê li Kobanê Ehmed Şêxo, bi sedan şervanên YPG’ê û YPJ’ê û welatiyên gundê rojavayê Kantonê amade bûn.
Qada ku şahî lê hat li dar xistin bi wêneyên tekoşeran, wêneyên Rêberê Gelê Kurd Abdulah Ocalan û alên YPG’ê û YPJ’ê hate xemlandin.
Şahiyê bi deqeyekê rêzgirtin dest pê kir. Piştre Fermandarê YPG’ê yê eniya rojava ya Kantona Kobanê Sorxwîn Kobanê axivî û rojbûna Ocaln li tevahî gelê Kurd û şervanên YPG’ê û YPJ’ê pîroz kir.
Sorxwîn destnîşan kir ku rojbûna Ocalan robûna azadiyê, mirovahiyê û jiyana azad a gelên bindest bi taybet a jinan e. Sorxwîn got ku felsefeya Ocalan çavên gelan û jinan li rastiya wan vekirin û ew bi daxwaza azadiyê hisandin.
Piştî axaftinê şîranî ji aliyê şervanên YPJ’ê ve li beşdaran hate belav kirin. Şahiyê bi pêşandana şanoyekê li ser berxwedana Kobanê û serkeftina li hember çeteyan ji aliyê koma hêzên YPJ’ê ve dom kir.
Şahî bi gerandina govendê li ber stranên şoreşgerî û dirûşmeyên “ Bijî Serok APO” û “Bijî berxwedana YPG’ê li Kobanê” bi dawî bû.